Трагедыя Хатыні - адзін з тысяч фактаў, якія сведчаць аб
мэтанакіраванай палітыцы генацыду ў адносінах да насельніцтва Беларусі, якую
ажыццяўлялі нацысты падчас Вялікай Айчыннай вайны на працягу ўсяго перыяду
акупацыі.
22 сакавіка ў 1- 4 класах прайшоў адзіны ўрок, прысвечаны трагедыі ў в.Хатынь - сімвалу ўсіх
спаленых вёсак у гады Вялікай Айчыннай вайны. Вучні, пры выкарыстанні ілюстрацыйнага нагляднага матэрыялу,
даведаліся аб той страшнай трагедыі, якая назаўжды застанецца ў людской памяці.
Вучні здзейснілі завочную экскурсію ў гісторыка-мемарыяльны комплекс «Хатынь»,
з выкарыстаннем відэаролікаў з музычным суправаджэннем, яшчэ раз азнаёміліся з
гісторыяй Хатынскай трагедыі, здзейснілі віртуальныя экскурсіі па мемарыяльным
комплексе «Хатынь». даведаліся пра гора,
якое прынесла на нашу зямлю Вялікая Айчынная вайна». Затаіўшы дыханне, дзеці
слухалі гісторыю Іосіфа Камінскага, які стаў правобразам галоўнай скульптурнай
кампазіцыі мемарыяла – «Непакораны чалавек».
Многія нашы землякі загінулі ў баях, загінулі ў канцлагерах,
згарэлі ў агні. І памяць пра іх, і ўдзячнасць ім заўсёды павінны жыць у сэрцы ў
нас, іх нашчадкаў, якія жывуць пад мірным небам, будуюць сучасную Беларусь і з
аптымізмам глядзяць у заўтрашні дзень.
Вучні ўшанавалі памяць загінуўшых хвілінай маўчання.
_20240406_132025_0000.png)
.png)
